Employee Service Rules - ఫండమెంటల్ రూల్సు (ఫిక్సేషన్లు-ఇంక్రిమెంట్లు)

ఫండమెంటల్ రూల్సు

(ఫిక్సేషన్లు-ఇంక్రిమెంట్లు)

పరిచయం

•

ఒక ఉద్యోగి వేరొక పోస్టునందు నియమించబడినప్పుడు లేక ప్రమోషను పొందినప్పుడు ఫండమెంటల్ రూల్స్ 22, 30, 31 ననుసరించి అతని వేతన స్థిరీకరణ జరుగుతుంది.

•

ప్రభుత్వం ప్రత్యేక ఉత్తర్వులిచ్చిన సంధర్బములో బాధ్యత మార్పుతో సంబంధం లేకుండగనే ఈ నిబంధనల ప్రకారము వేతన స్థిరీకరణ చేయబడుతుంది.

•

ఉద్యోగి యొక్క సర్వీసును బట్టి ఇంక్రిమెంట్లు మంజూరు చేయబడతాయి.

F.R.22(a)(i) - అదనపు బాధ్యతలతో నియమనం

•

అదనపు బాధ్యతలతో కూడిన పోస్టునందు నియమించబడినప్పుడు, నూతన స్కేలు నందలి 'తదుపరి పై స్టేజి' వద్ద వేతన స్థిరీకరణ జరుగును.

•

వేతన స్థిరీకరణ జరిగిన తేదీ నుండి 12 నెలల సర్వీసు నిండిన పిదప ఇంక్రి��ెంటు ఇవ్వబడుతుంది.

ఉదాహరణ: 21,230-63,010 స్కేలులో రూ. 25,840/- వేతనము తీసుకొనే ఉద్యోగి 28,940-78,910 స్కేలు గల పోస్టులో నియమించబడినప్పుడు అతని వేతనము రూ. 28,940గా స్థిరీకరించబడుతుంది.

F.R.22(a)(ii) - అదనపు బాధ్యతలు లేని నియమనం

•

అదనపు బాధ్యతలు లేని పోస్టునందు నియమించబడినప్పుడు, నూతన స్కేలు నందలి "దిగువ స్టేజి" వద్దనే వేతన స్థిరీకరణ జరుగుతుంది.

ఎ

సమాన స్టేజి: పాత స్కేలులోని మూల వేతనమునకు సరిసమానమైన స్టేజి నూతన స్కేలులో వున్నచో అట్టి 'సమాన స్టేజి' వద్ద వేతన స్థిరీకరణ జరుగుతుంది. పాత ఇంక్రిమెంటు తేదీ కొనసాగుతుంది.

ఉదాహరణ: 21,230-63,010 స్కేలులో రూ. 30,580/- వేతనం పొందుతున్న ఉద్యోగి 28,940-78,910 స్కేలు లో నియమించబడినప్పుడు అతని వేతనము రూ 30,580 వద్దనే స్థిరీకరించబడుతుంది.

బి

దిగువ స్టేజి + పర్సనల్ పే: పాత స్కేలులోని మూలవేతనమునకు సమానమైన స్టేజి లేనిచో దిగువ స్టేజి వద్ద వేతన స్థిరీకరణ జరుగుతుంది. వేతన వ్యత్యాసము 'పర్సనల్ పే'గా నమోదు చేయబడుతుంది.

సి

మినిమం కంటే తక్కువ: పాత స్కేలులోని మూలవేతనము నూతన స్కేలు యొక్క మినిమం కంటే తక్కువగా నున్నప్పుడు అట్టి మినిమం వద్ద వేతన స్థిరీకరణ జరుగుతుంది. సంవత్సరం సర్వీసు తదుపరి మాత్రమే ఇంక్రిమెంటు ఇవ్వబడుతుంది.

ఉదాహరణ: 21,230-63,010 స్కేలులో రూ. 25,840/- పొందుచున్నచో, 28,940-78,910 స్కేలులో రూ. 28,940/- వద్ద వేతన స్థిరీకరణ జరుగుతుంది.

F.R.22(a)(iv) - పబ్లిక్ సర్వీస్ కమీషన్ ద్వారా నియమనం

•

ఉద్యోగి పబ్లిక్ సర్వీస్ కమీషన్ చే ఎంపిక చేయబడిన మరొక పోస్టులో నేరుగా నియమించబడినప్పుడు పాత పోస్టులోని వేతనమునకు తక్కువ కాకుండా క్రొత్త పోస్టులోని వేతనము స్థిరీకరించబడుతుంది.

F.R.22B - వేతన స్థిరీకరణ ఎంపికలు

•

వేతన స్థిరీకరణ రెండువిధములుగా చేయవచ్చును:

1

వాస్తవ ప్రమోషన్ తేదీనాడు

2

ప్రమోషన్ పొందిన పిదప క్రింది పోస్టులోని తదుపరి ఇంక్రిమెంటు తేదీనాడు

•

జి.ఓ.ఎం.ఎస్.నం. 145, తేది. 19.05.2009: ఉద్యోగి ఎటువంటి ఆప్ష��్ ఇవ్వకుండగనే ఉద్యోగికి ప్రయోజనకరమైన విధముగా ప్రమోషన్ తేదీ లేక తదుపరి ఇంక్రిమెంటు తేదీలలో దేనికైననూ వేతన నిర్ణయం చేయవలెను.

ఉదాహరణ: 21,230-63,010 స్కేలులో రూ. 28,120/- వేతనం పొందుతూ పదోన్నతి పొందినచో పదోన్నతి పొందిన రోజున వేతనం రూ. 28,940/- గా ఎస్ఆర్ 223(1) ప్రకారం నిర్ణయించి తదుపరి ఇంక్రిమెంటు తేదీ నాటికి ఒక నోషనల్ ఇంక్రిమెంటు రూ. 820/- కలిపి వేతనాన్ని రూ 28,940-78,910 స్కేలులో తదుపరి స్టేజి వద్ద అనగా రూ 30,580/- గా వేతన స్థిరీకరణ జరుగుతుంది.

FR 31(2) - పున:స్థిరీకరణ

•

సబ్ స్టాంటివ్ (క్రింది) పోస్టులో కొనసాగివుంటే ఇంక్రిమెంటు మంజూరు వలన గాని లేక ఇతర మంజూరుల వలనగాని ఆ స్కేలులోని వేతనము పెరిగినచో, అట్టి పెరుగుదల తేదీన అఫిషియేటింగ్ (పై) స్కేలులోని అతని వేతనము తదుపరి పై స్టేజి వద్ద పునస్థిరీకరణ చేయబడుతుంది.

ఉదాహరణ: 21,230-63,010 స్కేలులో రూ. 30,580/- పొందుచున్న ఉద్యోగి వేతనము 28,940-78,910 స్కేలులో రూ. 31,460/- వద్ద స్థిరీకరణ జరుగుతుంది. అయితే పాత స్కేలులోని ఇంక్రిమెంటు వలన వేతనము రూ. 31,460/- గా పెరుగుతుంది. కనుక సదరు ఇంక్రిమెంటు తేదీన క్రొత్త స్కేలులో అతని వేతనము 32,340/- వద్ద పున:స్థిరీకరణ చేయబడుతుంది.

F.R. 26 - వార్షిక ఇంక్రిమెంటు

•

వార్షిక ఇంక్రిమెంటు మంజూరుకు లెక్కించబడే కాలాలు:

•

ఒక పోస్టులోని డ్యూటీ కాలము

•

జీత నష్టములేని సెలవు కాలము

•

ఫారిన్ సర్వీసు కాలము

•

జాయినింగ్ కాలము

•

అనారోగ్య కారణముపై గాని, ఉన్నత శాస్త్ర, సాంకేతిక విద్యను అభ్యసించు కారణముపై గాని పెట్టిన జీతనష్టపు సెలవు 6 నెలల కాలపర్యంతం లెక్కించబడుతుంది.