SPECIAL DISABLED LEAVE – ప్రత్యేక ప్రమాద సెలవు

ప్రభుత్వ ఉద్యోగుల కోసం ప్రత్యేక సదుపాయం గురించి పూర్తి వివరాలు

ప్రభుత్వ ఉద్యోగులు విధి నిర్వహణలో ఎక్కడికైనా వెళ్ళేటప్పుడు ప్రమాదం బారినపడి దీర్ఘకాలం మంచము పడితే 3 నెలల్లోగా ఈ సెలవు వినియోగించుకునేందుకు దరఖాస్తు చేసుకోవచ్చు. అయితే ప్రమాదము బారిన పడిన విషయాన్ని సంబంధిత శాఖాధిపతికి ముందే తెలియజేయాలి.

📋 ప్రధాన సదుపాయాలు

⏰

120 రోజుల పూర్తి జీతం

ప్రమాద సెలవులో మొదటి 120 రోజులకు పూర్తి వేతనం చెల్లిస్తారు

💰

సగం జీతంతో పొడిగింపు

అవసరమైతే మిగిలిన కాలానికి సగం జీతం అందుతుంది

✅

మెడికల్ లీవ్ అవసరం లేదు

మెడికల్ లీవ్ ఉపయోగించాల్సిన అవసరం లేదు

🛡️

ప్రత్యేక రక్షణ

విధి నిర్వహణలో గాయపడిన ఉద్యోగులకు ప్రత్యేక సదుపాయం

📝 దరఖాస్తు ప్రక్రియ

దరఖాస్తు విధానం

ప్రమాదం జరిగిన వెంటనే సంబంధిత శాఖాధిపతికి తెలియజేయాలి. అసక్తత సెలవు మంజూరు అయ్యేదాక మెడికల్ లీవ్ ను వినియోగించుకోవాలి. మంజూరు అయిన తరువాత ఈ సెలవు వినియోగాలోకి వస్తుంది.

💡 అవసరమైన దృవీకరణలు

• గేజిటేడ్ ఉద్యోగులు మెడికల్ బోర్డ్ నుంచి దృవీకరణ పత్రం
• నాన్ గేజిటేడ్ ఉద్యోగులు ప్రభుత్వ ఆసుపత్రిలో సివిల్ అసిస్టెంట్ సర్జన్ దృవీకరణ
• శాఖాధిపతి నుంచి ప్రమాదం జరిగిన విషయాన్ని తెలియజేసే దృవపత్రం

⏱️ సెలవు మంజూరు కాలం

ప్రమాదం జరిగిన తరువాత ముందుగా 2 నెలలు ఈ సెలవు మంజూరు చేస్తారు. ఆ తరువాత కూడా ఉద్యోగి విధులు నిర్వహించలేని పరిస్థితుల్లో ఉంటే మల్లి ప్రభుత్వ వైద్యాధికారి దృవపత్రం తీసుకోవాలి. అప్పుడు పూర్తి స్థాయి సెలవు మంజూరు అవుతుంది.

💡 ముఖ్య విషయాలు

• ఈ సెలవు మంజూరు చేసే అధికారం ప్రభుత్వానికి మాత్రమే ఉంది
• 120 రోజులకు పూర్తి జీతం, మిగిలిన కాలానికి సగం జీతం
• ప్రత్యేక సెలవు గరిష్టంగ 2 సంవత్సరాల వరకు మాత్రమే
• తదుపరి సెలవు అవసరమైతే ఇతర సెలవులను వినియోగించాలి

⚠️ ఈ సెలవు వర్తించని పరిస్థితులు

⚠️ గమనించవలసినవి

• విధి నిర్వహణ ముగిసాక కార్యాలయం నుంచి ఇంటికి వెళ్తున్న సమయంలో జరిగే ప్రమాదాలు
• పనిచేసే కార్యాలయ శాఖాధిపతి దృవపత్రం లేకపోతే
• ఉద్యోగి క్యాజువల్ లీవ్ లో ఉన్నప్పుడు జరిగే ప్రమాదాలు
• విధులకు హాజరైన అనుమతితో వ్యక్తిగత పనులపై బయటకు వెళ్ళేటప్పుడు

📜 ప్రభుత్వ ఉత్తర్వులు

రోడ్డు ప్రమాదాలపై తీర్పు

నివాస స్థలం నుండి కార్యాలయానికి మరియు కార్యాలయం నుండి నివాసానికి వెళ్ళేటప్పుడు జరిగే రోడ్డు ప్రమాదాల వల్ల కలిగే వైకల్యం ఈ సెలవులో చేర్చబడదు. కానీ కార్యాలయం నుండి మరొక కార్యాలయానికి, లేదా న్యాయస్థనానికి, లేదా క్షేత్ర పని ప్రదేశానికి అధికారిక విధుల నిమిత్తం వెళ్ళేటప్పుడు జరిగే రోడ్డు ప్రమాదాలు చేర్చబడతాయి.

సూచన: G.O.Ms.No.133, F&P, Dt.10.06.81

ఈ సమాచారం ప్రభుత్వ ఉద్యోగుల సెలవు నియమాల ప్రకారం అందించబడుతుంది